|
د افغانستان په ختیځ کې د یو امریکایي سرتیري ورک کیدل او د ۲۴ جنګیالیو وژنه |
|
|
|
|
له خوا لیکل شوی Quqnoos.com
|
|
Tuesday, 05 May 2009 |
|
د امریکا د دفاع وزارت په وینا د افغانستان په ختیځ کې دوه امریکایي سرتیري ووژل شول او یو بل یې ورک شوی دی
په همدې حال کې د دفاع وزارت وایي چې دکنړولایت د غازي آباد ولسوالي د عملیاتو له پیل راهیسي دغلته تراوسه ۲۴ طالبان ووژل شول.
د ملي دفاع وزارت ویاند جنرال ظاهر عظیمي وایي چې دغه ګډ عملیات چې د پولیسو پرمرکز د طالبانو له برید څخه وروسته د جمعې په شپه پیل شوي تر اوسه روان دي.
ښاغلی عظیمي زیاتوي چې ددغوعملیاتو له پیل راهیسي تر اوسه د ملي اردو ۴ سرتیري وژل شوي او ټپیان شوې دي او ۱۱ نور یې ورک شوي دي.
امنیتي ځواکونه رپوټ ورکړي چې په ختیځ ولایت کنړ کې د ملي اردو ۱۱ سرتیري ورک شوي دی.
طالبانو ددې پیښې مسولیت په غاړه نه دی اخیستي.
د امریکا د دفاع وزارت په یوې خبرپاڼه کې ویلي دي چې یو امریکایي سرتیری له پنځو ورځو راهیسي ورک شوي دي.
د افغانستان د ولسمشریزو ټاکنو له نژدي کیدوسره په هیواد کې تاوتریخوالي ډیر شوي دي، او په غبرګون کې یې امریکا او د ناټو غړي هیوادونه افغانستان ته ډیر سرتیري استوي.
 |
Subscribe to this comment's feed
