|
د حکومت پلان چې قومي خلک له وسله والو سره په جګړه کې دخیل کړي د پارلماني غړو له خوا رد شو
د اربکيو ځواکونو د جوړيدو طرحه د مشرانو جرګې له خوا رد شوه.
د مشرانو جرګې استازي وايې چې په اوسني حالت کې په سرحدي سيمو کې ددغۀ څير ځواکونو جوړول د هيواد په امنيتي حالت مثبته اغزه نشي کولای او په هيواد کې د امنيتي حالت په مخه کې ننګونې زياتوي.
د اربکيو طرحه چې د قومونو او قبايلو د کميسيون له لوري په سرحدي سيمو کې د امنيت د ټينګښت لپاره مشرانو جرګې ته ليږل شوې وه د زيات شمير استازو له لوري رد شوه.
دغه استازي وايي حکومت او بهرني ځواکونه د نويو کسانو د وسله وال کولو پر ځاي بايد د افغانستان ملي اردو او پوليس پياوړي کړي.
استازي
د ويلو ده چې په دې طرحه کې په سرحدي سيمو کې نوي ځواکونه وسله وال کيږي او د اربکي مليشو اعاشه او اباطه او د هغوي تجهيزات د قومونو او قبايلو د وزارت له لوري ورکول کيږي.
پارلماني غړی حمید ایماق وایي: ٫٫ د ناتو او افغان لوی پوځونه چې په عصري وسلو سمبال دي نشي کولای چې طالبانو ته ماته ورکړي نو څرنګه دغه د ملیشې واړه ګروپونه طالبانو ته ماته ورکولای شي.٬٬
ځینې په دې بیره کې دي چې د شوروي د وخت او د کورني جګړې جنګ سالاران به بیا د دې پلان په مرسته وسلې تر لاسه کړي.
پارلماني غړی عبدالقدیر دوستم وایي: ٫٫حکومت باید افغان ملي پوځ او پولیس پیاوړی کړي او په ښو وسلو یې سمبال کړي ترڅو ؤکولای شي په راتلونکې کې د هیواد ستونځې هوارې کړای شي.٬٬
امریکایي جنرال دیوید پتریوس پخوا په دې میاشت کې ویلي ؤو چې افغان قومي خلکو ته په جګړه کې اړتیا ده چې له مونږ سره ملګریتوب ؤکړي خو ده لا د دې پخلی ندی کړی چې د حکومت دا وړاندیز یې منلی دی.
پارلماني غړې صدیقه بلخي ؤویل چې دا به ګران کار وي چې دا په وسلو سمبال کامونه د حکومت له خوا کنټرول شي او د دوی ملګریتوب له حکومت او خلکو سره یقیني شي.
جنرال داوید مکرنن ؤویل چې له سیمه ییزو مشرانو څخه ملاتړ او د طالبانو د ټیټې کچې وسله والو ملاتړ په جګړه کې ترلاسه کول به له تره ګرۍ سره په جګړه کې ګټور وي.
ده ؤویل: چې په سیمه ییزه کچه پخلاینه په سیمه ییزو وسله والو کې چې د سیمه ییز اثر خاوندان دي، یوه ځواکمنه وسیله ګڼل کیدای شي.
٫٫دا یو هیواد دی چې له تاریخي نظره د یو قوی مرکزي حکومت ندرلودونکی دی. خو په دې هیواد کې سیمه ییزه واکمنۍ او او د سیمه ییزو مشرانو چارواکی تاریخ ثابته کړې او سابقه لري.٬٬
 |
Subscribe to this comment's feed
