قبایلي مشران: که امریکا خپلو بریدونو ته دوام ورکړي نو له طالبانو سره به یو ځای شو
د پاکستان په سرحدي سیمو باندې د امریکا اوسنیو بریدونو نوي دښمنۍ را ژوندﺉ کړي دي چې له کبله یې قبایلي مشرانو ویلي چې په افغانستان کې به په امریکايي ځواکونو باندې بریدونه وکړي.
د پاکستان قبایلي مشرانو په شمالي وزیرستان باندې د امریکايي توغندیو او بیا وروسته دهغوﺉ پیاده کېدل سخت په غوصه کړي او ویلي یې دي چې که دا کار دوام ومومي نو دوﺉ به له طالبانو سره یو ځای شي.
د شنبې په ورځ د شمالي وزیرستان په مرکزي ښار میرانشاه کې په یوه لویه بېړنۍ غونډه کې قومي مشر، ملک نصرالله وویل چې: « که امریکا پر قبایلي سیمو باندې خپلو بریدونو ته دوام ورکړي نو موږ به یو ستر لښکر جوړ او په افغانستان کې به په امریکايي سرتیرو باندې بریدونه وکړو. همدا شان موږ به په افغانستان کې له قبایلي مشرانو څخه مرسته وغواړو تر څو په ګډه سره د امریکایانو پر وړاندې وجنګیږو.»
په دغه سیمه کې نږدې ۵۰۰۰۰۰ قبایلي خلک اوسیږي.
تیره اوونۍ نیویارک ټایمز د یوه لوړپوړي پوځي چارواکي له خولې لیکلي و چې، ولسمشر بوش په پټه په قبایلي سیمو باندې دبریدونو امر ورکړی و.
خو د پاکستان ولسمشر زرداري او لومړي وزیر ګیلاني ویلي وو چې: « د پاکستان ځمکنۍ بشپړتیا او خپلواکي باید په هره بیه سره وساتله شي.»
یوزاې په تیره میاشت کې امریکا اووه ځلې قبایلي سیمې ویشتلي دي چې تیر کال هم اووه ځلې پاکستان په میزایلو باندې ایشتل شوی و.
تیره اوونۍ په سویلي وزیرستان کې د امریکا سرتیرو پیاده کېدل د پاکستان پوځ سخت په غوصه کړ او ویې ویل چې دوﺉ د دې حق لري تر څو غبرګون وښیي.
 |
Subscribe to this comment's feed
